መዋቕር ቤት ጽሕፈት

ኣብ ደረጃ መዋቕር ዞባታትን ወረዳታትን ዘሎ ውዳበ ክልተ ጉጅለታት ቀንዲ ስራሕን ሓደ ጉጅለ ደገፍ ስራሕን እዩ፤ ይኹን እምበር ብዝተፈላለዩ ምኽንያታት ጸጋ ሰብ ዘይምምላእን ተደጋጋሚ ምቕይያር ሰራሕተኛታት (turn over) ምህላውን ከም ማነቆ ዝተራእዩ ጉዳያት እዮም።

ኣብ ደረጃ እተን ተሓታትነተን ንቤት ጽሕፈት ፕረዚደንት መንግስቲ ክልል ኦሮምያ ዝኾነ ከተማታት፡ መዋቕርን ውዳበን ቤት ጽሕፈት ከንቲባ ኣብ ጽኑዕ መጽናዕቲ ተመርኲሱ ስለ ዘይተኻየደ፡ ክሳብ ሕጂ ብኽልተ ጉጅለታት ቀንዲ ስራሕን ብውሑዳት ሰራሕተኛታት ደገፍን ኣብ ስራሕ ጸኒሐን፤ ተሓታትነት መዋቕር ከተማ ቀልጢፉ ዘይምፍላይን እኹል ደገፍ ዘይምርካብን ዝነበሩ ጉድለታት እዮም።

እቲ ኣብዚ እዋን ዘሎ ውዳበ ቤት ጽሕፈት፡ ብንጹር ተፈልዩ ዝፍለጥ ተራ ስራሕ ክህልዎ ዝኽእል፡ ብምትሕብባር ክሰርሕ ዝኽእልን እኹል ኣድለይቲ መደባት ስራሕ ዘለዎን እዩ። ብናይ ሕጂ ኩነታት እዚ ውዳበ ምቹእን ነቲ ናይ መጻኢ ተልእኾ ምሉእ ብምሉእ ንምፍጻም ዘኽእልን እዩ ክበሃል እኳ እንተዘይተኻእለ፡ ኣብቶም ዘለዉ መደባት ስራሕ ብቑዕ ጸጋ ሰብ ምምዳብ እንተተኻኢሉ ጽቡቕ ጅማሮ ምፍጣር ይከኣል። ብሂደት ግን መዋቕርን ውዳበን ኣብ ተስማሚ መጽናዕቲ ተመርኲስካ ምምሕያሽ ኣድላዪ ምዃኑ ተረዲኡ ኣሎ።

ብወገን ጸጋ ሰብ፡ ኣብ ደረጃ ክልል ካብ ባህሪ እቲ ትካል ተበጊስካ ብዙሓት መደባት ስራሕ ናይ ሹመት እኳ እንተኾኑ፡ ሞያውያን ዘድልይዎም መደባት ስራሕ ዝተፈቕደ መዋቕር 156፡ ኣብ ደረጃ ዞባታት ዝተፈቕደ መዋቕር 90፡ ኣብ ደረጃ ወረዳ 55፡ ኣብ ደረጃ ቀንዲ ከተማታት 24፡ ኣብ ደረጃ ላዕለዋይ ከተማ 19፡ ኣብ ደረጃ ማእከላይ ከተማታት 37 እዩ። ካብዚ ናይ ሕጂ ኩነታት ክርአ ከሎ፡ ኣብ ደረጃ ክልል ካብ ዝተፈቕደ መደብ ስራሕ 69%፡ ኣብ ደረጃ ዞባታት ብማእከላይ 55%፡ ኣብ ደረጃ ወረዳታት ብማእከላይ 63%፡ ኣብ ደረጃ ከተማታት ብማእከላይ 70% ጸጋ ሰብ ተመዲቡ ኣሎ። ካብ መደባት ስራሕ እቲ ቤት ጽሕፈት፡ ኣድላዪ ሞያን ተመክሮን ዝሓቱን ተልእኾ ቤት ጽሕፈት ብቐጥታ ንምዕዋት ወሳኒ ተራ ዘለዎምን መብዛሕትኦም ሰብ ዘይተመደበሎም ኮይኖም፡ ሓሓሊፉ'ውን እቲ ዝተመደበ ሰብ እቲ መደብ ስራሕ ዝሓቶ ብቕዓትን ተመክሮን ዘይብሉ ምዃኑ ተራእዩ ኣሎ። ስለዚ፡ ጸገም ሕጽረት ጸጋ ሰብ እቲ ቤት ጽሕፈት ኣብ መደባት ስራሕ ብቑዓትን ተመክሮ ዘለዎምን ሞያውያን ስለ ዝኾነ፡ ኣብዚ ዓመት መደብ ኣቓልቦ ረኺቡ ክመሓየሽ ዘለዎ ጉዳይ እዩ።